Sodeli, i ha ändlech mini Schribfuulheit u insbesondere Foto-Upload-Fuulheit übwunde u bringe öich mal ufe nöischt Stand vo mine Freizitaktivitäte.
Der Usflug uf Narvik isch o wider einisch äs Abentüür xi. Mir si am 14. Februar ir Nacht am halbi 12i in Trondheim ufe Zug u si d Nacht düregfahre. Am 9i simer de in Fauske ufe Bus uf Narvik umgstige. D Landschaft uf der Reis isch wie immer atemberoubend xi. Mir hei meischtens d Lofote i Sichtwiti gha (natürlech richtig schön verschneit, dert obe isch ja no aständig Winter, nid so wie i der Schwiz ;-) ). Zum Teil hets d Fjorde zuegfrore und d Bärge hei rächt spezielli Forme.
Am 3 am Nami simer de in Narvik acho u si vom Matteusz abgholt worde. Är het mit üs letscht Summer der Sprachkurs gmacht u isch när uf Narvik ad Uni ga studiere.
Bi ihm heimer de z Gepäck abglade u si chli Narvik ga aluege. Mir hei super Wätter gha. Narvik sälber isch zwar nid so schön, mä het gmerkt, dasses nachem Chrieg isch nöi ufbout worde. Aber derfür isch d Umgäbig mit Fjord und Bärge d Reis wärt!
I der Nacht simer de no Polarliechter ga luege, so schön hani se no nie xeh, würklech der Hammer.
Am Fritig hei d Pischtene nume am Abe offe gha, also simer düre Tag chli d Museeä ga bsueche u hei nis chli über Narvik u d Skigebiet ir Umgäbig informiert. Am Abe simer de ändlech uf d Pischte. Sässellifte gits in Norwegä nume sehr sälte, Narvik isch da kei Usnahm; äs würdi sech o nid lohne. D Pischtene si aständig steil und d Ussicht über Narvik bi Nacht isch natürlech super.
Am Samschtig heimer nis entschlosse, uf Björkliden in Schwede z fahre u dert z Skigebiet ga usteschte. Dä Tag isch o äs rächts Abentüür worde. Mir si am Morge ufe Zug und nach 1.5 Stund in Björklinden acho. Dorf hets eigentlech keis, nume ä Bahnhof mitemene chline Lade, Feriehüser u ä Campingplatz. Z Skigebiet isch aber guet xi. Guete Pulver, guet präparierti Pischte. Zudämm heimer am Abe vor der Rückreis iz tüüre Norwege no chli günstigs Bier chönne ichoufe ;-)
Am halbi 6i simer de in Björkliden wider ufe Zug. Nachenere Halbstund isch der Zug blibe stah u äs het geisse, dasses uf der norwegische Site äne z'vil Schnee heigi u mer wäge dämm nümm chönne witerfahre. Mir hei also 2 Stund ufene Bus müesse warte (zum Glück heimer ja no Bier kouft gha :-) u i ha wie immer z Uno und Würfel im Rucksack, also isches nis nid längwilig worde). Mitem Bus simer de ä witeri Halbstund bis uf z Björnfjell gfahre u dert heimer när wider uf d Schnutzi müesse warte wo vo Narvik uf z Björnfjell u wider zrugg gfahre isch. Äs isch nume "Kolonnekjöring" (Kolonnefahren hinder der Schnutzi nache) erloubt xi, äs het aber o rächt idrücklech möge schneie u winde. Schlussändlech simer de am halbi 12i in Narvik acho, also 5 Stund Rückfahrt statt 1.5... Aber mir hei ja Zit gha, mir hei das nid so äng xeh.
Am Sunntig simer de wider in Narvik uf d Pischte. Und wülls ja so schön gschneit het ir Nacht vorhär heimer o richtig schöne Pulver gha und wuuuuunderschöns Wätter. Das het richtig Spass gmacht. Und iz heimer o richtig chönne z ganze Panorama gniesse. Boarde mit Sicht über Narvik und z Meer, was wosch no meh?
Am Mäntig simer de am Morge am 7ni wider ufe Bus richtig Süde. U da heimer o ändlech Elche xeh!! Zum Teil hei si eifach näbe der Strass zwüsche de Böim gschlafe. Eine heimer sogar xeh näbemene Hus umelige. Die wüsse wahrschlinech haargenau, dass kei Jagdsaison isch :-)
Mir si alli froh xi, heimer für die Reis nid der Flüger gno, mir hätte so vil verpasst!
So und iz hani gnueg gschwaflet. Vil Spass mit de Föteli!!
Der Usflug uf Narvik isch o wider einisch äs Abentüür xi. Mir si am 14. Februar ir Nacht am halbi 12i in Trondheim ufe Zug u si d Nacht düregfahre. Am 9i simer de in Fauske ufe Bus uf Narvik umgstige. D Landschaft uf der Reis isch wie immer atemberoubend xi. Mir hei meischtens d Lofote i Sichtwiti gha (natürlech richtig schön verschneit, dert obe isch ja no aständig Winter, nid so wie i der Schwiz ;-) ). Zum Teil hets d Fjorde zuegfrore und d Bärge hei rächt spezielli Forme.
Am 3 am Nami simer de in Narvik acho u si vom Matteusz abgholt worde. Är het mit üs letscht Summer der Sprachkurs gmacht u isch när uf Narvik ad Uni ga studiere.
Bi ihm heimer de z Gepäck abglade u si chli Narvik ga aluege. Mir hei super Wätter gha. Narvik sälber isch zwar nid so schön, mä het gmerkt, dasses nachem Chrieg isch nöi ufbout worde. Aber derfür isch d Umgäbig mit Fjord und Bärge d Reis wärt!
I der Nacht simer de no Polarliechter ga luege, so schön hani se no nie xeh, würklech der Hammer.
Am Fritig hei d Pischtene nume am Abe offe gha, also simer düre Tag chli d Museeä ga bsueche u hei nis chli über Narvik u d Skigebiet ir Umgäbig informiert. Am Abe simer de ändlech uf d Pischte. Sässellifte gits in Norwegä nume sehr sälte, Narvik isch da kei Usnahm; äs würdi sech o nid lohne. D Pischtene si aständig steil und d Ussicht über Narvik bi Nacht isch natürlech super.
Am Samschtig heimer nis entschlosse, uf Björkliden in Schwede z fahre u dert z Skigebiet ga usteschte. Dä Tag isch o äs rächts Abentüür worde. Mir si am Morge ufe Zug und nach 1.5 Stund in Björklinden acho. Dorf hets eigentlech keis, nume ä Bahnhof mitemene chline Lade, Feriehüser u ä Campingplatz. Z Skigebiet isch aber guet xi. Guete Pulver, guet präparierti Pischte. Zudämm heimer am Abe vor der Rückreis iz tüüre Norwege no chli günstigs Bier chönne ichoufe ;-)
Am halbi 6i simer de in Björkliden wider ufe Zug. Nachenere Halbstund isch der Zug blibe stah u äs het geisse, dasses uf der norwegische Site äne z'vil Schnee heigi u mer wäge dämm nümm chönne witerfahre. Mir hei also 2 Stund ufene Bus müesse warte (zum Glück heimer ja no Bier kouft gha :-) u i ha wie immer z Uno und Würfel im Rucksack, also isches nis nid längwilig worde). Mitem Bus simer de ä witeri Halbstund bis uf z Björnfjell gfahre u dert heimer när wider uf d Schnutzi müesse warte wo vo Narvik uf z Björnfjell u wider zrugg gfahre isch. Äs isch nume "Kolonnekjöring" (Kolonnefahren hinder der Schnutzi nache) erloubt xi, äs het aber o rächt idrücklech möge schneie u winde. Schlussändlech simer de am halbi 12i in Narvik acho, also 5 Stund Rückfahrt statt 1.5... Aber mir hei ja Zit gha, mir hei das nid so äng xeh.
Am Sunntig simer de wider in Narvik uf d Pischte. Und wülls ja so schön gschneit het ir Nacht vorhär heimer o richtig schöne Pulver gha und wuuuuunderschöns Wätter. Das het richtig Spass gmacht. Und iz heimer o richtig chönne z ganze Panorama gniesse. Boarde mit Sicht über Narvik und z Meer, was wosch no meh?
Am Mäntig simer de am Morge am 7ni wider ufe Bus richtig Süde. U da heimer o ändlech Elche xeh!! Zum Teil hei si eifach näbe der Strass zwüsche de Böim gschlafe. Eine heimer sogar xeh näbemene Hus umelige. Die wüsse wahrschlinech haargenau, dass kei Jagdsaison isch :-)
Mir si alli froh xi, heimer für die Reis nid der Flüger gno, mir hätte so vil verpasst!
So und iz hani gnueg gschwaflet. Vil Spass mit de Föteli!!
Hinfahrt:
Dä isch eifach härzig, ufgno irgendwo zwüsche Fauske und Narvik
Andi und Falko uf der Fähre übere Tysfjord
Die Wulche hets mer atah, das het äs Wili und vil Akku brucht, bis i das Föteli gha ha...
Wüsseter iz wasi mit "spezielle Bärgforme" meine?Donnerstag, Narvik
Falko und Matteusz vorem Matteusz sim Hus. Äs teilts mitemene andere Studänt.
Narvikfjellet, der Husbärg
Polarliechter
Freitag, Narvik
Nid grad churzi Dischtanze... Matteusz, Andi, Falko, ich
Tschutschutschu... In Narvik hets ä Erzverlade-Alag; heimer nis leider nid chönne ga aluege.
Nachtskifahre (oder i mim Fall -boarden)Samstag, Björkliden
Falko u i vor der Pulverschnee-Abfahrt
Falko und Andi sueche sech ä Wäg, bei derä schlächte Sicht gar nid so einfach...
Müed, düregfrore aber glücklech, äs isch ä super Skitag xi!
Warte ufe Bus, Andi u MatteuszSonntag, Narvik
Was gits hie derzue no z säge...?
Montag, Rückfahrt
Jupiii, ä Elch!!
2 Kommentare:
Hallöle, subb'r hosch des gmacht! No mol "Takk for tur". Hilsen Andi
Takk for visit
Mateusz :)
Kommentar veröffentlichen